ایشیاکپ؛ حارث رؤف تیسرے تیز ترین 50 وکٹیں لینے والے بالر بن گئے

24 نیوز پی کے: پاکستان کرکٹ ٹیم کے فاسٹ بولر حارث رؤف نے ون ڈے انٹرنیشنل ایک اور اعزاز اپنے نام کرلیا،وہ پاکستان کے تیسرے تیز ترین 50 وکٹیں حاصل کرنے والے کھلاڑی بن گئے۔

ایشیا کپ میں بنگلادیش کے خلاف سپر فور مرحلے کے میچ میں قومی کرکٹ ٹیم کے فاسٹ باؤلر حارث رؤف نے چار وکٹیں حاصل کرنے کے ساتھ ساتھ ون ڈے انٹرنیشنل میں پاکستان کیلئے تیز ترین 50 وکٹیں لینے والے بالر بن گئے۔ انہوں نے یہ کارنامہ 27 اننگز میں حاصل کیا۔

اس فہرست میں پاکستان کے تیز گیند باز حسن علی اور شاہین شاہ آفریدی سرفہرست ہیں جنہوں نے بالترتیب 24 اور 25 ون ڈے میچوں میں 50 وکٹیں حاصل کیں تھی۔

اس سے قبل ایشیاکپ میں بھارت کے خلاف میچ میں حارث رؤف نے شبمن گل، شریاس ایر اور ایشان کشن کی 3 اہم وکٹیں لے کر بھارت کو 266 تک محدود رکھا تھا۔