آئی سی سی رینکنگ: ٹی20 میں رضوان، عماد، افتخار کی ترقی

24 نیوز پی کے: انٹرنیشنل کرکٹ کونسل نے نئی ٹی ٹوئنٹی رینکنگ جاری کردی، محمد رضوان ،افتخار احمد اور عماد وسیم کی ترقی۔ انٹرنیشنل کرکٹ کونسل کی جانب سے جاری کردہ نئی ٹی ٹقئنٹی رینکنگ کے مطابق محمد رضوان کی نیوزی لینڈ کے خلاف ٹی ٹوئنٹی سیریز میں شاندار کاکردگی دکھانے کے بعد پوائنٹس میں اضافہ ہوا ہے اور اپہلی پوزیشن پر جماں بھارتی بلے باز سوریا کمار یادو کے درمیان سو سے بھی کم پوائنٹس کا فاصلہ رہ گیا ہے۔محمد رضوان نے نیوزی لینڈ کے خلاف آخری ٹی 20 میچ میں 98 رنز کی ناقابل شکست اننگز کھیلی تھی جس کی وجہ سے ان کے پوائنٹس میں اضافہ ہوا بدقسمتی سے وہ میچ وننگ اننگز نہیں تھی،محمد رضوان نے سیریز میں مجموعی طور پر 162 رنز بنائے۔

پاکستانی بیٹر 798 سے 811 پوائنٹس پر پہنچ کر دوسرے نمبر پر موجود ہیں جبکہ کپتان بابر اعظم 756 پوائنٹس کے ساتھ تیسرے نمبر پر براجمان ہیں۔

اسی طرح قومی ٹیم کے مڈل آرڈر بلے باز افتخار احمد 6 درجے آگے بڑھ کر مشترکہ 38ویں نمبر پر آگئے ہیں جبکہ آلراؤنڈر عماد وسیم نے اچھی بیٹنگ کے ساتھ سیریز کے دوران 10.37 کی اوسط سے 8 وکٹیں لیں اور آلراؤنڈرز کی تازہ ترین درجہ بندی میں 44 درجے ترقی کر کے 24ویں نمبر پر پہنچ گئے ہیں۔ پاکستان کے خلاف سیریز کے آخری ٹی20 میں نیوزی لینڈ کو کامیابی دلوانےوالے نوجوان بیٹر مارک چیپمین 10 درجہ ترقی پاکر کیریئر کی بہترین 35ویں پوزیشن پر آگئے ہیں۔