” بابراعظم کپتانی چھوڑ دیں کیونکہ وہ ۔۔۔“ شعیب ملک نے مشورہ دیدیا

لاہور (24 نیوز پی کے) پاکستان کرکٹ ٹیم کے سابق کپتان اور مایہ ناز آلراؤنڈر شعیب ملک نے کپتان بابراعظم کو پاکستان کرکٹ ٹیم کی قیادت چھوڑنے کا مشورہ دے دیا ہے ۔

نجی ٹی وی جیونیوز کے مطابق پروگرام میں گفتگو کرتے ہوئے سابق کپتان شعیب ملک کا کہنا تھا کہ بابر اعظم کو پاکستان کرکٹ ٹیم کی کپتانی چھوڑ دینی چاہیے، شعیب ملک کا کہنا تھا کہ بطور کپتان بابر اعظم بہتری کے عمل سے گزر رہے ہیں ،کپتانی اور بیٹنگ کی اہلیت دو الگ باتیں ہیں ۔شعیب ملک کا کہنا تھا بابر اعظم کو کپتانی چھوڑ کر اپنی بیٹنگ پر توجہ مرکوز کرنی چاہیے۔سابق کپتان شعیب ملک کا مزید کہنا تھا کہ ہمارے کلچر میں فوری نتائج کی توقع رہتی ہے، بابر اعظم کو گائیڈکرنے والوں کو مشورہ ہے بابر سے کپتانی چھڑوادیں۔

واضح رہے کہ کچھ سابق کرکٹرز نے بھی کپتان بابر اعظم کو مشورہ دیا ہے کہ وہ کپتانی چھوڑ کر اپنی بیٹنگ پر توجہ دیں۔جس پر سوشل میڈیا پر صارفین کی طرف سے ان کھلاڑیوں پر تنقید بھی ہوئی۔جبکہ بہت سے سابق کھلاڑی بابر اعظم کی حمایت میں ہیں اور بورڈ نے بھی بابر اعظم پر اعتماد کا اظہار کیا ہے۔