'' بابر میرا سابق منگیتر نہیں ہے کہ میں اسے پسند نہ کروں،، ایک سوال پر محمد عامر کا جواب

اسلام آباد(24 نیوز پی کے)قومی کرکٹ ٹیم کے سابق فاسٹ باؤلر محمد عامر کا اپنے اور قومی کرکٹ ٹیم کے کپتان بابر اعظم کے درمیان تعلقات کے بارے میں کہنا تھا کہ بابر اعظم میرا سابق منگیتر نہیں کہ میں اسے رشتہ ختم ہونے کے بعد پسند ہی نہ کروں۔

مقامی ٹی وی چینل کو انٹرویو میں محمد عامر نے اعتراف کیا کہ کپتان بابر اعظم میرے جونیئر تھے اور انہوں نے ہمیشہ مجھے احترام دیا اور عزت کی۔ ہمارے درمیان کبھی کوئی مسئلہ نہیں تھا۔جب اُس بیان کے بارے میں پوچھا گیا کہ جس میں انہوں نے بابر اعظم کو اوسط درجے کا کھلاڑی کہا تھا اور ’’ٹیل اینڈر‘‘ میں شمار کیا تھا تو محمد عامر نے کہا کہ میں نے ایسا نہیں کہا تھا۔

فاسٹ باؤلرمحمد عامر نے وضاحت دیتے ہوئے مزید کہا کہ میرے نزدیک بابر اعظم ٹیسٹ اور ون ڈے میں ایک عظیم بلے باز ہے البتہ ٹی ٹوئنٹی میں انھیں اتنا خطرناک نہیں سمجھتا۔اس موقع پر محمد عامر نے مسکراتے ہوئے کہا کہ بابر میرا سابق منگیتر نہیں ہے کہ میں اسے پسند نہ کروں۔