جنوبی افریقہ نے ایک میچ میں 2 عالمی ریکارڈ بنا کر ویسٹ انڈیز سے تاریخی فتح اپنے نام کرلی

سنچورین (24 نیوز پی کے)جنوبی افریقہ نے ایک ٹی 20 میچ میں 2 عالمی ریکارڈ اپنے نام کرلیے۔

جنوبی افریقہ نے ویسٹ انڈیز کے خلاف 259 رنز کا ہدف حاصل کرکے کرکٹ کی دنیا میں تاریخ رقم کر دی ، جنوبی افریقہ ٹی 20 کرکٹ میں سب سے بڑا حدف حاصل کرنے والی ٹیم بن گئی۔

تفصیلات کے مطابق جنوبی افریقہ نے ویسٹ انڈیز کے خلاف ٹاس جیت کر پہلے باولنگ کا فیصلہ کیا،ویسٹ انڈیز کے بلے بازوں نے چھکے چوکوں کی برسات کردی اور جنوبی افریقہ کو جیت کے لیے 259 کا ہدف دیا ۔ ویسٹ انڈیز کی جانب سے جانسن چارلس نے46 گیندوں پر 11 چھکوں اور 10 چوکوں کی مدد سے 118رنز بنائے،ان کے علاوہ کیل میئرز نے 51، رومیریو شیپ ہرڈ 41 رنز بنا کر آوٹ ہوئے اور روومین پاول نے 28 رنز بنائے۔ویسٹ انڈیز کی اننگز میں 22 چھکے اور 17 چوکے شامل تھے۔

جواب میں جنوبی افریقہ نے 259 کا حدف 18.5 اوور میں چھ کھلاڑیوں کی نقصان پر حاصل کر کیا۔جنوبی افریقہ کی جانب سےکوائنٹن ڈی کوک نے 44 گیندوں پر 100 رنز کی شاندار اننگز کھیلی،جنوبی افریقہ نے ویسٹ انڈیز کیخلاف پاور پلے میں بغیر کسی نقصان کے سب سے زیادہ 102 رنز سکور کرکے نیا عالمی ریکارڈ بنا ڈالا جو ٹی 20 انٹرنیشنل کرکٹ کی تاریخ میں سب سے زیادہ پاور پلے سکور ہے۔ریزہ ہینڈرکس نے 68 رنز بنائے اور ایڈن مرکرم نے38 سکور بنا کر ٹیم کی جیت میں اہم کردار ادا کیا۔