شاہین آفریدی نے بالنگ کے بعد بیٹنگ پر بھی توجہ مرکوز کرلی

24 نیوز پی کے :پاکستان کرکٹ ٹیم کے فاسٹ باؤلر شاہین شاہ آفریدی نے اپنی بولنگ کے ساتھ ساتھ بیٹنگ کی بھی پریکٹس شروع کر دی ہے۔

نیوزی لینڈ کے خلاف سیریز کیلئے قومی ٹیم کی پریکٹس سیشن جاری ہے جس میں شاہین شاہ آفریدی نے بولنگ کے ساتھ ساتھ بیٹنگ کی پریکٹس بھی شروع کر دی ہے۔ پی سی بی کی جانب سے جاری کردہ ایک ویڈیو شیئر کی گئی جس میں شاہین شاہ آفریدی بیٹنگ کرتے دکھائی دے رہے ہیں۔

فاسٹ باؤلر شاہین شاہ آفریدی نے کہا کہ میں انڈر 19 کے وقت سے بیٹنگ میں دلچسپی رکھتا تھا لیکن کبھی زیادہ توجہ نہیں دی لیکن اب بیٹنگ پریکٹس کررہا ہوں، انجری کے بعد ری ہیب کے دوران بلے بازی پر توجہ دی جو پی ایس ایل میں کام آئی۔شاہین شاہ آفریدی نے کہا کہ وہ بلے بازی کا فن سیکھ رہے ہیں تاکہ مشکل وقت میں ٹیم کے لئے آل راؤنڈ کارکردگی دکھا سکوں،شاہین شاہ آفریدی کا مزید کہنا تھا کہ میں اپنی بیٹنگ پوزیشن سے قطع نظر پاکستان کے لئے میچ جیتنا چاہوں گا۔