• 24newspk

محمد عامر بھی قومی ٹیم کے پیچھے پیچھے دبئی کیلئے روانہ ہو گئے


ویب ڈیسک (24 نیوز پی کے) کرکٹ کا بڑا ایونٹ ورلڈ ٹی 20 رواں ماہ یو اے ای میں شروع ہونے جا رہا ہے ،پاکستان کرکٹ ٹیم ایونٹ میں شرکت کے لئے یو اے ای میں پہنچ گئی ہے۔قومی ٹیم اپنا پہلا میچ روایتی حریف بھارت کے ساتھ کھیلے گا۔قومی ٹیم کے سابق فاسٹ بائولر محمد عامر بھی قومی ٹیم کے پیچھے پیچھے دبئی روانہ ہوگئے۔ خیال رہے کہ گزشتہ برس دسمبر میں محمد عامر نے اس وقت کی ٹیم مینجمنٹ سے مایوس ہو کر کرکٹ سے ریٹائرمنٹ لینے کا فیصلہ کیا تھا۔ عامر نے یہ بھی کہا تھا کہ اگر انتظامیہ تبدیل ہوگئی تو وہ سلیکشن کیلئے دستیاب ہوں گے، محمد عامر کا کہنا تھا کہ سابق کرکٹرز 2010ء کی غلطی کو جواز بناکر پر مجھ پر تنقید کا کوئی موقع ہاتھ سے نہیں جانے دیتے ہیں ۔

بعد ازاں کرکٹ مینجمنٹ سے مایوس محمد عامر کے ریٹائرمنٹ کے معاملے پر پی سی بی نے آئندہ کسی بھی انٹرنیشنل میچ کے لیے ان کے نام پر غور نہ کرنے کا فیصلہ کیا تھا۔ جون 2021ء میں اپنی ایک پریس کانفرنس میں قومی کرکٹ ٹیم کے اس وقت کے ہیڈ کوچ مصباح الحق نے محمد عامر کی ٹیم میں واپسی کے حوالے سے کہا تھا کہ وہ ریٹائرمنٹ کا فیصلہ واپس لے کر پرفارم کریں تو ٹیم میں آسکتے ہیں۔

اب محمد عامر نے اپنے حالیہ ٹویٹ میں بتایا ہے کہ وہ دبئی جارہے ہیں۔


57 views0 comments