محمد عامر، عماد وسیم اور بابراعظم کے درمیان کوئی رنجش ضرور ہے، احمد شہزاد کا بیان

کراچی(24 نیوز پی کے) پاکستان کرکٹ ٹیم کے اوپنر احمد شہزاد کا کہنا ہے کہ محمد عامر، عماد وسیم اور بابراعظم کے درمیان کوئی رنجش ضرور ہے۔

قومی ٹیم کے اوپنر احمد شہزاد نے کرکٹ پاکستان کے خصوصی پروگرام میں تبصرہ کرتے ہوئے کہا کہ پاکستان سپر لیگ سیزن 8 کے آغاز سے قبل محمد عامر اور عماد وسیم کی جانب سے دیئے گئے بیانات کی وجہ سے لگتا ہے کہ کپتان بابراعظم کیساتھ دونوں کے معاملات ٹھیک نہیں ہیں۔

احمد شہزاد نے کہا کہ ٹی وی پر گردش کررہے بیانات کو غور سے پڑھیں تو لگتا ہے کہ یہ دشمنی پاکستان سپر لیگ سیزن 8 کو ہائپ دے رہی ہے، میرے خیال میں بعض اوقات دل میں کچھ چیزیں ہوتی ہیں جو باہر آہستہ آہستہ باہر آتی ہیں اور ہمیں گراؤنڈ میں مزید نظر آئیں گی۔