محمد عامر کو کس شخصیت نے فون کر کے انٹر نیشنل کرکٹ میں واپسی کیلئے خود کو تیار کرنے کا کہہ دیا ؟
لاہور (24 نیوز پی کے)پاکستان کرکٹ ٹیم کے سابق فاسٹ باؤلر محمد عامر کی قومی ٹیم میں واپسی کی خبریں گردش کرنے لگی ہیں اور امید کی جا رہی ہے کہ وہ جلد قومی ٹیم کا حصہ ہونگے۔
ایکسپریس ٹریبیون کی رپورٹ کے مطابق قومی سلیکشن کمیٹی کے اہم شخصیت نے فاسٹ باؤلر محمد عامر کے منیجر سے رابطہ کیا ہے اور پیغام دیاہے کہ ’ عامر سے کہو کہ خود کو انٹرنیشنل کرکٹ میں واپسی کیلئے تیار کر لے “۔سلیکشن کمیٹی کی اہم شخصیت نے محمد عامر کو کہاہے کہ وہ اپنی کرکٹ پر توجہ دے اور میڈیا میں کوئی بھی بیان دینے سے باز رہے ، کیونکہ یہ نیا تنازع کھڑا کر سکتاہے۔محمد کو انقریب ریٹائرمنٹ واپس لینے کا کہا جائے گا اس وقت تک وہ اپنے آپ کو ٹیم کے لئے تیار کرنے کے لئے بھرپور محنت کرے۔
اس خبر کی کسی نے تردید اور تصدیق نہیں کی البتہ سلیکشن کمیٹی پہلے ہی کہہ چکی ہے کہ سلیکشن کمیٹی کے دروازے سب کے لئے کھلے ہیں جس سے بہت سے کھلاڑیوں کو پھر سے امید کی کرن نظر آرہی ہے۔محمد عامر کے علاوہ ،احمد شہزاد،عمر اکمل بھی ٹیم میں واپسی کے لئے پر امید ہیں۔
یہاں یہ امر قابل ذکر ہے کہ نجم سیٹھی نے چیئرمین مینجمنٹ کمیٹی کا چارج سنبھالنے کے بعد یہ بیان تھا کہ محمد عامر اگر اپنی ریٹائرمنٹ واپس لیتے ہیں تو ان کی سلیکشن پر غور کیا جا سکتا ہے ۔
