محمد عامر کی ٹیم میں واپسی کی خبروں پر شعیب اختر میدان میں آ گئے، کھل کر بول پڑے

لاہور (ویب ڈیسک)دنیا ئے کرکٹ کے فاسٹ بولر سابق ٹیسٹ کرکٹرراولپنڈی ایکسپریس کہلائے جانے شعیب اختر نے محمد عامر کی ٹیم میں واپسی پر سوال اٹھا دیا ہے ۔

نجی ٹی وی ایکسپریس نیوز کے مطابق ایک انٹرویو میں سابق فاسٹ بولر شعیب اختر نے کہا ہے کہ پی سی بی کی جانب سے محمد عامر کو واپسی کا عندیہ دیا جانا درست نہیں،ماضی میں ہم بھی قومی ٹیم سے ڈراپ ہوتے رہے، مینجمنٹ 12سال تک مجھ سے ناراض رہی مگر اس کا یہ مطلب نہیں کہ ہتھیار ڈال دیے جائیں،ہمیں یہ سوچنا چاہیے کہ پاکستان کی ضرورت کیا ہے۔

شعیب اختر کا مزید کہنا تھا کہ محمد عامر انٹرویوز میں کہتے رہے کہ انھوں نے کرکٹ میں جان لگائی، دوسری جانب حقیقت یہ ہے کہ ان کو ماضی میں سزا ہوئی،غلط کیا تھا تو سزاوار ٹھہرے، آپ نے پاکستان کرکٹ کیلیے اچھا نہیں کیا،ملک نے آپ کو جو کچھ دیا،اس کو واپس لوٹانا چاہیے تھا۔سابق فاسٹ بولر شعیب اختر نے کہا کہ 2017تک محمد عامر کی کارکردگی مناسب رہی،چیمپئنز ٹرافی میں شاندار بولنگ کی،اس کے بعد اگلے 15سے 20ون ڈے میچز میں شاید ہی کوئی معیاری پرفارمنس دیکھنے میں آئی ہو۔