محمد عامر کے لیے قومی ٹیم میں کھیلنے کے دروازے کھلے ہیں: چیف سلیکٹر

کراچی(24 نیوز پی کے) پاکستان کرکٹ ٹیم کے سابق فاسٹ باؤلر محمد عامر کی ٹیم میں واپسی کے دروازے کھل گئے۔

چیف سلیکٹر پاکستان مینز کرکٹ ٹیم ہارون رشید نے کہا ہے کہ محمد عامر چاہتے ہیں کہ پاکستان کے لیے کھیلیں تو ان کے لیے دروازے کھلے ہیں۔ان کا کہنا تھا کہ محمد عامر، عماد وسیم اور شرجیل خان کے ناموں پر غور کر رہے ہیں۔چیف سلیکٹر ہارون رشید نے کہا کہ پاکستان سپر لیگ پاکستان کا ایک بڑا برینڈ ہے۔ہارون رشید نے کہا کہ کوشش ہوگی پی ایس ایل میں اچھی کارکردگی دکھانے والوں پر نظر رکھوں۔

چیف سلیکٹر ہارون رشید نے کہا کہ پاکستان سپر لیگ کے دوران محمد سمیع ،یاسرحمید اور میری کافی زمہ داریاں ہیں، ہم سب پاکستان کی کرکٹ کو بہتر بنانا چاہتے ہیں۔ان کا مزید کہنا تھا کہ کامران اکمل اپنے عہدے سے دستبردار ہوئے کیوں کہ انہوں نے پی ایس ایل میں ایک نجی ٹی وی چینل سے معاہدہ کیا ہے۔ کامران نے ہم سے مشورہ کیا اور پھر دستبردار ہوئے۔