نیوزی لینڈ کے اہم کھلاڑیوں نے دورہ پاکستان پر آئی پی ایل کو ترجیج دے دی
آکلینڈ(24 نیوز پی کے) پاکستا ن اور نیوزی لینڈ کے درمیان ٹی 20 سیریز اور ون ڈے سیریز آئندہ ماہ شروع ہونی ہے۔نیوزی لینڈ نے دورہ پاکستان کیلئے ٹی ٹوئنٹی سکواڈ کا اعلان کردیا۔نیوزی لینڈ کرکٹ ٹیم آئندہ ماہ پاکستان میں پانچ ٹی ٹوئنٹی میچز کھیلے گی جبکہ اہم کھلاڑی انڈین پریمیئر لیگ (آئی پی ایل) میں مصروف ہوں گے اور نیوزی لینڈ کی نوجوان ٹیم پاکستان آئے گی۔
نیوزی لینڈ کرکٹ ٹیم کی قیادت ٹام لیتھم پانچ ٹی ٹوئنٹی میچز میں کریں گے۔ باقی کھلاڑیوں میں چیڈ بووس، مارک چیپمن، ڈین کلیوور، میٹ ہینری، بن لیسٹر کیوی ٹیم کا حصہ ہوں گے جبکہ سکواڈ میں ایڈم ملنے، کول مک کونچی، ڈیرل مچل، جمی نشم، رچن روندرا، ہینری شیپلے، اش سودھی، بلیئر ٹکنئر اور ول ینگ شامل ہیں۔کیوی ٹیم لاہور میں 14، 15 اور 17 جبکہ راولپنڈی میں 20 اور 24 اپریل کو ٹی ٹوئنٹی کھیلے گی۔
نیوزی لینڈ کی ٹیم پاکستان میں پانچ ون ڈے میچز بھی کھیلے گی تاہم اس کیلئے کیوی ٹیم کا اعلان بعد میں کیا جائے گا۔فن ایلن، ڈیوان کونوے، مچل سینٹنر، لوکی فرگوسن، گلین فلپس آئی پی ایل کھیلنے میں مصروف ہیں اور آئی پی ایل کا 31 مارچ سے آغاز ہوگا۔
