ورلڈ کپ سیمی فائنلسٹ کی بحث میں حارث رؤف نے دلچسپ بیان دے دیا

لاہور(24نیوز پی کے)قومی کرکٹ ٹیم کے فاسٹ بولر حارث رؤف نے کہا ہے کہ ہم اپنی ٹیم کو فائنل میں دیکھ رہے ہیں، سیمی فائنلسٹ کا پتہ نہیں۔

لاہور میں میڈیا سے گفتگو کرتے ہوئے پاکستان کرکٹ ٹیم کے فاسٹ باؤلر حارث رؤف کا کہنا تھا کہ ورلڈکپ میں پاکستان کی نمائندگی کرنا اعزاز ہے۔ان کا کہنا تھا کہ گیم میں اونچ نیچ ہوتی رہتی ہے ہمارے باؤلرز نے ہمشیہ پرفارم کیاہے ایسی بات نہیں ہے کہ ہمارے باؤلرز بڑے میچز میں پرفارم نہیں کر پاتے۔حارث رؤف نےکنڈیشنز سے متعلق بات کرتے ہوئے کہا کہ ورلڈکپ میں ایشیئن کنڈیشنز ہیں، فرق نہیں پڑے گا۔

ایک سوال کے جواب میں حارث رؤف نے کہا کہ کوئی انفرادی گول نہیں پہلے ٹیم کا سوچنا ہے بعد میں اپنا۔میچ میں پلان سے متعلق حارث رؤف کا کہنا تھا کہ بھارت جا کر دیکھیں گے کہ کنڈیشنز کیسی ہیں، پھر پلان بنائیں گے۔ ایک اور سوال کے جواب میں حارث رؤف کا کہنا تھا کہ ویرات کوہلی کو آؤٹ کر پایا تو ٹھیک ہے نہ بھی کر پایا تو بھی ٹھیک ہے۔