پاکستان کیلئے زیادہ ٹی ٹونٹی وکٹیں، شاداب خان عمر گل اور سعید اجمل کو پیچھے چھوڑتے ہوئے دوسرے کامیاب

24 نیوز پی کے:لیگ سپنر شاداب خان ٹی ٹونٹی انٹرنیشنل میں دوسرے سب سے زیادہ وکٹیں لینے والے پاکستانی بولر بن گئے۔ لیگ سپنر شاداب خان ٹی 20 انٹرنیشنل میں دوسرے کامیاب ترین پاکستانی بولر کا اعزاز کرائسٹ چرچ میں ٹرائنگولر سیریز کے چوتھے میچ میں فن ایلن کی وکٹ لیکر حاصل کیا ۔ 2017ء میں ٹی 20 انٹرنیشنل ڈیبیو کرنے والے 24 سالہ شاداب اب تک 71 اننگز میں 21.84 کی اوسط سے 86 وکٹیں اپنے نام کرچکے ہیں۔

اس سے قبل فاسٹ بولر عمرگل اور آف سپنر سعید اجمل بھی مختصر فارمیٹ میں 85،85 شکار کرنے کا اعزاز حاصل کرسکے ہیں ۔ سابق آل راؤنڈر شاہد آفریدی 98 وکٹیں لیکر اس لسٹ میں سرفہرست ہیں جب کہ محمد حفیظ 65 وکٹوں کے ساتھ چوتھے نمبر پر موجود ہیں۔