یو ایس ماسٹرز ٹی 10 لیگ میں دس پاکستانی کھلاڑی شرکت کریں گے

ویب ڈیسک(24نیوز پی کے)کرکٹ کی مقبولیت پوری دنیا میں ہے اور خاص طور پر ٹی ٹوئنٹی اوٹی ٹین فارمیٹ بہت مقبول ہو رہے ہیں ۔ٹی ٹین فارمیٹ کی لیگ ٹی ٹین لیگ جو یوا ے ای میں کھیلی جاتی ہے اس کی مقبولیت کو دیکھتے ہوئے امریکا میں بھی ٹی ٹین لیگ کروانے کا بھی فیصلہ کیا ہے اس لیگ کا نام یو ایس ماسٹرز ٹی 10 لیگ دیا گیا ہے۔اس ٹورنامنٹ میں دنیا ئے کرکٹ کے نامور کھلاڑی شرکت کر ہے ہیں ۔

یو ایس ماسٹرز ٹی 10 لیگ کا افتتاحی ایڈیشن اگلے ماہ امریکہ میں منعقد ہوگا جس میں 10 پاکستانی کھلاڑی بھی شرکت کریں گے۔ٹورنامنٹ کیلئے ڈرافٹ گزشتہ دنوں ہوا جس میں ٹیموں نے اپنے اپنے سکواڈ تشکیل دیے۔

پاکستان کے سابق کپتان شاہد آفریدی اور مصباح الحق،محمد حفیظ ،محمد عرفان،حماد اعظم،جنید صدیقی،عمید آصف،کامران اکمل ،فرحاد رضا،نجف شاہ ،سہیل خان شامل ہیں ۔ نیو یارک واریئرز کی طرف سے شاہد خان آفریدی،مصباح الحق ،کامران اکمل ،سہیل خان،عمید آصف میدان میں اتریں گے۔اٹلانٹا فائر نے محمد عرفان، فرہاد رضا، حماد اعظم اور جنید صدیقی کو ٹیم میں جگہ دی ہے۔ مورس ویل یونٹی نے نجف شاہ کو چنا ہے۔ٹیکساس چارجرز نے یو ایس ماسٹرز ٹی 10 لیگ کے افتتاحی ایڈیشن کیلئے محمد حفیظ، اور عمر گل کو ٹیم میں شامل کیا ہے۔

یو ایس ماسٹرز ٹی 10 لیگ کا پہلا سیزن 18 سے 27 اگست 2023 تک کھیلا جائے گا ایونٹ میں 6 ٹیمیں حصہ لے رہی ہیں جن میں اٹلانٹا فائر، کیلیفورنیا نائٹس، مورس ویل یونٹی، نیو جرسی لیجنڈز، نیو یارک واریئرز اور ٹیکساس چارجرزشامل ہیں ۔